Harcha mramra chada FM

Harcha mramra

حريشات معمرين بالخضر - نجية من وجدة
المقادير :
500 غ سميد رقيق + 3 م ك الزيت + م ك زبدة + م ك سنيدة + م ص خميرة الخبز + شوية الملح + نص خمارة حمرا + الماء بارد
الحشوة : 2 بصلات مشلظين طوال + 2 فلفلات مقطعين مربعات + مطيشة صغيرة مقطعة طراف صغار + م ك معدنوس + م ص الهريسة + الكامون + الملح + الزيت + رابعة الكفتة
الطريقة : في اناء نديرو السميد + سنيدة + نص خمارة + الملح + الزيت + الزبدة + الخميرة معجونة و الماء بارد
نعجنوها ما ندلكوهاش و نخليوها ترتاح نص ساعة
الحشوة : في مقلة نديرو البصلة مع الزيت مع الملح و الكامون و يتشحر
نشحرو الفلفلة مع الزيت و الملح و الكامون بوحدها
و مطيشة مع الزيت و الملح و الكامون
الكفتة مع الزيت و الملح و الكامون
في الاخير نجمعو كولشي و نضيفو الهريسة
نمشيو للعجين نديروه كويرات نبسطوها بيدينا و نديرو معلقة الحشوة و نجمعوها حتى نردوها كورة و نبسطوها شوية و نديروها في مقلة